حاجنی کے انتقال سے ایک دور کا اختتام ہوا ( محمد امین بٹ)
سرینگر//جمیل انصاری/ادبی مرکز کمراز کے سرپرست ،کشمیری زبان کے معروف ادیب اور دانشور، ساہتیہ اکادمی کے کشمیری ایڈوائزری بورڈ کے کنوینر ، سابق سیکریٹری کلچرل اکیڈیمی اور حلقہ ادب حاجن کے سرپرست ڈاکٹر عزیز حاجنی کا کل رات سرینگر میں انتقال ہوگیا۔ ڈاکٹرحاجنی کے انتقال پر ادبی مرکز کمراز نے گہرے دُکھ اور افسوس کا اظہار کیا۔ اپنے ایک تعزیتی بیان میں مرکز کے صدر محمد امین بٹ نے حاجنی کی موت کو بڑا سانحہ قرار دیا۔ انہوں نے ڈاکٹر حاجنی کی تنظیمی صلاحیتوں اور کشمیری زبان و ادب سے ان کا والہانہ لگاو کا اعتراف کرتے ہوئے اِن کو اس دور کا عظیم ادیب اور لسانی کارکُن قرار دیا۔ ڈاکٹر حاجنی کے انتقال پر ادبی مرکز کمراز سے مُنسلک لٹریری یونٹوں اور جملہ ممبران نے بھی گہرے دُکھ اور افسوس کا اظہار کیا۔ جن ادبی تنظیموں نے حاجنی کے انتقال کو بڑا صدمہ قرار دیا اُن میںحلقہ ادب سوناواری حاجن، دایرہ ادب دلنہ بارہمولہ، کروہن کلچرل فورم کریری، بہارِ ادب تلگام پٹن، محبوب کلچرل سوسائٹی بارہمولہ، رفیع آباد ادبی مرکز، بزمِ شعبان بانڈی پورہ، لٹریری فورم بانڈی پورہ، کلچرل ٹرسٹ کپوارہ، دیارِ ادب بانگِل، حصارِ ادب کچھوا مقام، اِندر کلچرل فورم سمبل سوناواری، کاروانِ ادب ڈب گاندربل، اِدارہ تحقیق و ادب جموں و کشمیر، جوئے ادب کاجی ناگ ہندوارہ، جہلم ویلی کلچرل فورم سمبل، کشمیر رائٹرس فورم سوپور، کشمیر بزمِ ادب سنگرامہ، محبوب العالم ادبی سوسائٹی راجوارہ، مجلس النساء سوپور، قاری شعر و ادب زینہ گیر، رحمتِ عالم کلچرل فورم اجس، شہجارِ ادب لولاب، تحریکِ ادب کشمیر، وُلر کلچرل فورم نادی ہل، ینگ ویلفیئر اینڈ کلچرل فورم کھئی پورہ ٹنگمرگ، وُلر کلچرل فورم مدوَن سواناوری شامل ہیں۔
