مہاراشٹراشولاپور /آفرین شیخ/
شولاپور شہر پولیس کمشنریٹ اور ایم اے پانگل کے اشتراک سے ، ایم اے پانگل اینگلو اردو ہائی اسکول اور جونیئر کالج کے “نعیم شیخ میموریل ہال” میں ، ہائی اسکول اور جونیئر کالج کے میں شولاپور شہر کے پولیس کمشنر ایم راجکمار نے طالب علموں سے خطاب کیا۔ اس موقع پر کمشنر موصوف نے طالب علموں کو موبائل فون کے غلط استعمال ، رواداری ، سائبر کرائم ، حساس شہریوں کی ذمہ داریاں، معاشرے میں ہم آہنگی کے موضوع پر تفصیل سے رہنمائی کی۔ پانگل ہائی اسکول اور جونیئر کالج کے تمام طلباء ،مہمانِ خصوصی کی مفصل اور مدلّل تقریر کو سنتے رہے اور موصوف کی رہنمائی سے مستفید ہوتے رہے۔ خطاب کے بعد ، سوال و جواب کے وقفے میں ، طلباء نے اپنے سوالات پوچھے اور مہمانِ خصوصی نے ان کے سوالات کے بہترین اور واضح رہنمائی پر مبنی جوابات دئیے۔ اس پروگرام میں جیل روڈ پولیس اسٹیشن کے پولیس انسپکٹر مسٹر تاٹے اور سائبر کرائم کے پولیس انسپکٹر سنیل دوڈگے بھی شریک تھے۔ اس پروگرام کی ابتدا میں عبد الرحمن دولت آباد نے تلاوتِ قرآنِ کریم کی سعادت حاصل کی پھر عبد الرؤف پٹیل نے مہمانوں کا تعارف کرایا، پرنسپل ڈاکٹر ہارون راشد باغبان سر نے مہمانوں کا استقبال کیا اور گُل پیشی کی۔ اس پروگرام کی نظامت ذاکر شاہ پور سر نے کی اور اکبر پٹھان سر نے شکریہ ادا کیا۔ مذکورہ پروگرام میں ، پانگل ہائی اسکول کے این سی سی اور آر ایس پی ٹروپس کے علاوہ بی کیو کے اسکول کے آر ایس پی کیڈٹس نے مارچ پاس کیا اور مہمانوں کو سلام پیش کیا۔ اس پروگرام کو کامیاب بنانے میں کل جماعتی تنظیم کے صدر مولانا طاہر بیگ ، سابق میئر عارف شیخ ، متین باغبان ، مبین سید ، یونس ڈونگاونکر ، علیم سید، اقبال استاد، سابق کارپوریٹر ہارون شیخ، افتخار بلیف ، جاوید بدّی ، راجو ہنڈیکری ، امجد پٹھان ، رضوان ڈنڈوتی ، حسین انعامدار اور دیگر معززین کی رہنمائی اور تعاون حاصل رہا۔اس پروگرام کو کامیاب بنانے کے لئے ڈاکٹر ثریا پروین جاگیردار، نکہت نلّامندو ، محسن مشال ، محمود خطیب ، خلیل پیرمپلی ، نوید منشی ، عبد الخالق مُلّا ، اقبال دلال ، عارف پٹھان ، ابراہیم شاہ پور، عمران سر ، مظفّر سر، مبارک باغبان ، ارشد رنگریز ، سیف اللہ ، سہیل مودّور ، سرور ، کلثوم درذی، آفرین مُلّا، اُمّ زما پٹھان ، فاطمہ آپا ، ثنا مُلّا ، زینب کاتنگھر ، رضیہ آپا نے بہت محنت کی۔
