سرینگر/26اگست//تمل ناڈو میں مدورائی ریلوے اسٹیشن کے قریب ایک بڑا حادثہ پیش آیا ہے۔ سدرن ریلوے حکام کے مطابق لکھنؤ سے رامیشورم جانے والی ٹرین کے ٹورسٹ کوچ میں آگ لگ گئی۔ سی این آئی کے مطابق اس حادثے میں اب تک 10 افراد ہلاک اور 20 زخمی ہو چکے ہیں۔ سدرن ریلوے کے مطابق تمل ناڈو ٹرین حادثے میں مرنے والوں کے لواحقین کو دس لاکھ روپے کی ایکس گریشیا رقم دی جائے گی۔سدرن ریلوے حکام کے مطابق ٹرین میں آگ اس وقت لگی جب اسے صبح مدورائی یارڈ جنکشن پر روکا گیا تھا۔ اس کے بعد مسافر غیر قانونی طور پر گیس سلنڈر لے کر کوچ میں داخل ہوئے۔ بتایا جا رہا ہے کہ اس سلنڈر کی وجہ سے ٹرین میں زبردست آگ لگ گئی۔ٹرین میں آگ لگنے کی ویڈیو بھی منظر عام پر آئی ہے جس میں کوچ میں بھیانک آگ نظر آرہی ہے۔ ساتھ ہی کچھ لوگ ادھر ادھر چیخ رہے ہیں۔ فائر بریگیڈ نے موقع پر پہنچ کر کافی کوشش کے بعد آگ پر قابو پالیا۔حکام کے مطابق، اسٹیشن سے 26.8.23 کو شام 5.15 بجے مدورائی یارڈ میں ایک پرائیویٹ پارٹی کے کوچ میں آگ لگنے کی اطلاع ملی تھی۔ اس کے بعد فائر سروس کو اطلاع دی گئی اور فائر ٹینڈر 5.45 پر یہاں پہنچے۔ آگ 7.15 پر بجھا دی گئی۔ کسی اور کوچ کو چوٹ نہیں آئی۔
0
