28جولائی سے 06اگست تک درس و تدریس کا کام بند رہے گا
سرینگر /24جولائی / شدید گرمی کی لہر کے چلتے کشمیر یونیورسٹی نے 28 جولائی سے موسم گرما کی تعطیلات کا اعلان کیا ہے۔یونیورسٹی 6اگست تک گرمائی تعطیلات کیلئے بند رہے گی ۔ سی این آئی کے مطابق کشمیر یونیورسٹی نے 28جولائی سے تدریسی شعبے اور اس کے سٹائلٹ کیمپس میں 28 جولائی سے گرمائی تعطیل کااعلان کیا ہے ۔ اس ضمن میں جاری ایک حکمنامہ کے مطابق ’’تمام متعلقہ افراد کی اطلاع کیلئے یہ ہے کہیونیورسٹی کے تدریسی شعبے اور اس کے سیٹلائٹ کیمپس 28 جولائی 2023 سے 6 اگست 2023 تک موسم گرما کی تعطیلات کیلئے بند رہیں گے تاہم محکمانہ دفاتر معمول کے مطابق کام کریں گے اور شعبہ جات کے سربراہان/ کیمپس/ مراکز کے ڈائریکٹر اس بات کو یقینی بنائیں گے کہ امتحانات، اگر کوئی ہیں، اور دیگر سرگرمیاں شیڈول کے مطابق منعقد کی جائیں۔ ۔ خیال رہے کہ وادی کشمیر میں شدید گرمی کی لہر جاری ہے اور آئے روز گرمی میں اضافہ ہو تا جا رہا ہے۔
