جموں کشمیر سمیت تمام شمال مشرقی ریاستیوں میں سیکورٹی کی صورتحال میں نمایاں بہتری آئی / امیت شاہ
سرینگر / 25مارچ / وزیر اعظم نریندر مودی کی قیادت والی حکومت نے ایک بار پھر ناگالینڈ،آسام اور منی پور میں مسلح افواج (خصوصی اختیارات) ایکٹ افسپا کے تحت اعلان کردہ علاقوںکے دائرہ اختیار کو کم کرنے کا فیصلہ کیا ہے کا اعلان کرتے ہوئے وزیر داخلہ امیت شاہ نے کہا کہ جموں کشمیر سمیت تمام شمال مشرقی ریاستیوں میں سیکورٹی کی صورتحال میں نمایاں بہتری آئی ہے اور مرکز ی سرکار کی یہی کوشش ہے کہ ملک بھر کے تمام شورش زدہ علاقوں میں امن کا قیام یقینی بنایا جا سکے ۔ سی این آئی مانیٹرنگ ڈیسک کے مطابق وزیر داخلہ امیت شاہ نے اعلان کیا ہے کہ ناگالینڈ،آسام اور منی پور میں مسلح افواج (خصوصی اختیارات) ایکٹ افسپا کے تحت اعلان کردہ علاقوںکے دائرہ اختیار کو کم کرنے کا فیصلہ کیا ۔ امیت شاہ نے کہا کہ یہ فیصلہ شمال مشرقی ہندوستان میں سیکورٹی کی صورتحال میں نمایاں بہتری کی وجہ سے لیا گیا ہے۔ٹویٹس کرتے ہوئے امیت شاہ نے لکھا ’’شمال مشرق کیلئے ایک تاریخی دن! وزیر اعظم نریندر مودی کی قیادت میں حکومت ہند نے نے ایک بار پھر AFSPA کے تحت ناگالینڈ، آسام اور منی پور میں علاقوں کو کم کرنے کا فیصلہ کیا ہے۔ یہ فیصلہ شمال مشرقی ہندوستان میں سیکورٹی کی صورتحال میں نمایاں بہتری کی وجہ سے لیا گیا ہے۔ ‘‘ امیت شاہ نے مزید کہا کہ ہندوستان کی تاریخ میں پہلی بار مودی نے شمال مشرق میں سلامتی، امن اور ترقی کو ترجیح دی اور اس کے نتیجے میں یہ خطہ اب تیزی سے امن اور ترقی کی راہ پر گامزن ہے۔انہوں نے کہا کہ جموں کشمیر سمیت تمام علاقوں میں حالات اب بہتر ہو رہے ہیں ۔ انہوں نے شمال مشرق کے لوگوں کی زندگیوں میں مثبت تبدیلی لانے اور خطے کو باقی ہندوستان کے دلوںسے جوڑنے کیلئے وزیر اعظم کا شکریہ ادا کیا۔
جموں کشمیر کو اگلے سال ’’وندے بھارت ‘‘ ریل گاڑی ملے گی
