نہہامہ کوکگام میں سڑک حادثہ ,8سی آر پی ایف اہلکار اور ایک عام شہری زخمی

سرینگر 16/این این این / جنوبی ضلع کولگام کے نہمامہ علاقے میںایک سڑک حادثے میں 8سی آر پی ایف اہلکار اور ایک عام شہری زخمی ہو گیا ۔ ندا نیوز نیٹ ورک کے مطابق جنوبی کشمیر کے کولگام ضلع کے نیہامہ علاقے میں جمعرات کو دو گاڑیوں کے آپس میں ٹکرانے سے کم از کم آٹھ نیم فوجی سی آر پی ایف اہلکار اور ایک شہری زخمی ہو گئے۔بتایا جاتا ہے کہ سڑک حادثہ اس وقت پیش آیا جب سی آر پی ایف گاڑی آٹو سے ٹکرا گئی، جس کے نتیجے میں آٹھ سی آر پی ایف اہلکار اور ایک آٹو ڈرائیور زخمی ہوا۔زخمی سی آر پی ایف اہلکاروں کی شناخت سریندر سنگھ، کے ستیہ، کے مہا، رقیب الاسلام، راجندر، سی راما کرشنا، مشرام اروند، اے رجنی کے طور پر کی ہے جبکہ شہری کی شناخت محمد اکبر کے طور پر کی گئی ہے۔تمام زخمیوں کو علاج کے لیے اسپتال منتقل کیا گیا جہاں ان کی حالت مستحکم بتائی جاتی ہے۔پولیس نے حادثے کی تصدیق کرتے ہوئے بتایا کہ زخمیوں کو اسپتال علاج کیلئے منتقل کر دیا گیا ہے جبکہ معاملے کی نسبت کیس درج کرکے تحقیقات شروع کر دی گئی ہے ۔