سرینگر اور اونتی پورہ میں شبانہ تصادم معرکے, لشکر کے 4 جنگجو ازجاں

سرینگر کے صورہ اور اونتی پورہ کے آگہانجی پورہ علاقوں میں فوج و فورسز اور عسکریت پسندوں کے مابین مسلح تصادم آرائیوں میں چار ملی ٹنٹ مارے گئے

تفصیلات کے مطابق شاہ فیصل کالونی بژھ پورہ علاقے میں جمعہ کی الصبح سکیورٹی فورسز اور جنگجو کے درمیان تصادم آرائی میں جنگجو تنظیم لشکر طیبہ سے وابستہ 2 جنگجو ہلاک ہوئے ہیں

پولیس نے جھڑپ کی تصدیق کرتے ہوئے ہلاک شدگان کی شناخت شاکر احمد وازہ ساکن ترنز شوپیاں اور آفرین الطاف ملک ساکن ترنج شوپیاں کے بطور کی ہیں جن کے قبضے سے اے کے 47 رائفل، پستول، لائیو راؤنڈز، گرینیڈ و دیگر اسلحہ برآمد کیا گیا ہے

اس سے قبل، ضلع پلوامہ کے اونتی پورہ علاقے میں جمعرات دیر گئے سیکورٹی فورسز اور جنگجو کے درمیان انکاؤنٹر میں لشکر طیبہ کے دو اور عسکریت پسند ہلاک ہوئے تھے