جموں کشمیر کے مختلف علاقوں میں جنگلی جانوروں کی موجودگی سے لوگ خوفزدہ

پونچھ میں تیندوے نے گائو خانہ میں داخل ہوکر سات بھیڑ بکریوں کو اپنا خوراک بنا ڈالا

سرینگر /09مئی / این این این// پونچھ جموں ضلع کے ایک مضافاتی علاقہ میں تیندوے نے دوران شب ایک گائو خانہ میں داخل ہو کر کم سے کم سات بھیڑ بکریوں کو اپنا نوالہ بنایا۔ندا نیو نیٹ ورک کے مطابق پونچھ کے پورانی علاقے میں ایک تیندوا گذشتہ شب محمد فرید ولد بشیر احمد نامی ایک شخص کے شیڈ میں داخل ہوا وہاں موجود کم سے کم سات بھیڑ بکریوں کو ہلاک کر دیا۔انہوں نے کہا کہ پولیس نے اس سلسلے میں ایک کیس درج کیا ہے۔دریں اثنا وادی کشمیر کے مختلف علاقوں میں بھی شام ڈھلتے ہی تیندوے نمودار ہونے کی اطلاعات موصول ہو رہی ہیں۔وسطی ضلع بڈگام کے لوگوں کا کہنا ہے کہ کئی دیہات میں تیندوے گھوم رہے ہیں اور وہ مویشیوں پر حملہ کرنے کے موقعوں کی تلاش میں ہیں۔پارس آباد سے تعلق رکھنے والے محمد قاسم نامی ایک شخص کا کہنا ہے کہ ایک تیندوے شام ڈھلتے ہی سڑک پر نمودار ہوتا ہے۔