صحت کے شعبے میں بہتری اور مریضوں کیلئے علاج آسان بنانے کیلئے کوششیں جاری

ملک میں صحت کی بہتر سہولیات کیلئے آنے والے 10 سال میں ریکارڈ تعداد میں ڈاکٹر ملیں گے
گجرات کے بھج ضلع میں کے کے پٹیل سپر اسپیشلٹی اسپتال عوام کے نام وقف /وزیر اعظم
سرینگر /15اپریل / ندا نیوز نیٹ ورک وزیر اعظم نریندر مودی کا کہنا ہے کہ بھارت آنے والے 10 سال میں نئے ڈاکٹروں کی ریکارڈ تعداد حاصل کرے گا۔انہوںنے کہا کہ بہتر صحت کی سہولیات صرف بیماریوں کے علاج تک ہی محدود نہیں ہیں، وہ سماجی انصاف کو بھی فروغ دیتی ہیں۔ ند ا نیوز نیٹ ورک مانیٹرنگ کے مطابق وزیر اعظم نریندر مودی نے جمعہ کو ویڈیو کانفرنسنگ کے ذریعے گجرات کے بھوج ضلع میں کے کے پٹیل سپر اسپیشلٹی ہسپتال کا افتتاح کیا۔ افتتاحی تقریب سے خطاب کرتے ہوئے وزیر اعظم مودی نے کہا’’بھج میں ہسپتال اچھے معیار کی صحت کی دیکھ بھال کو سستی قیمت پر لوگوں تک رسائی فراہم کرے گا۔ دو دہائیاں قبل، گجرات میں صرف 1100 سیٹوں کے ساتھ صرف نو میڈیکل کالج تھے۔ آج ہمارے پاس 36 سے زیادہ میڈیکل کالج ہیں جن میں 6000 نشستیں ہیں‘‘۔ وزیر اعظم نے یہ بھی یقین دلایا کہ ہندوستان کو صحت کی بہتر سہولیات کے لیے آنے والے دس سالوں میں ریکارڈ تعداد میں ڈاکٹر ملیں گے۔ پی ایم مودی نے کہا، چاہے ملک کے ہر ضلع میں میڈیکل کالجوں کی تعمیر کا مقصد ہو یا میڈیکل کی تعلیم کو سب کے لیے قابل رسائی بنانے کی کوششیں، آنے والے 10 سالوں میں ملک کو ریکارڈ تعداد میں نئے ڈاکٹر ملنے جا رہے ہیں۔ انہوں نے صحت کی بہتر سہولیات کا مطلب بیان کیا اور کہا کہ یہ صرف بیماریوں کے علاج تک محدود نہیں ہیں۔ بہتر صحت کی سہولیات صرف بیماریوں کے علاج تک ہی محدود نہیں ہیں، وہ سماجی انصاف کو بھی فروغ دیتی ہیں۔ جب ایک غریب کو سستا اور بہترین علاج تک رسائی حاصل ہوتی ہے، تو اس کا نظام پر اعتماد مضبوط ہو جاتا ہے۔ یہ ہسپتال شری کچھی لیوا پٹیل سماج، بھوج نے بنایا ہے۔